Basakeria

Zapatuan basakeria gertatu zen Ruiz de Lopera futbol zelaian. Ez zen lehenengo aldia izan, ezta, seguruenik, azkena ere. Bestiseko jarraitzale batek ur botila jaurti zion Armando atezainari. Athleticekoak zortea izan zuen, ez ziolako begia jo. Ez da itsu geratu. Epaileak partidua eten zuen. Oraindik ez dakigu falta ziren 20 minutuak jokatu beharko diren ala ez. Ez zait inporta, momentu honetan, Betis klubari jarriko dioten zigorra. Argi dago, oso gogorra izan behar da, mota honetako jarrerak ezin baitira zigorrik habe geratu.

Kontua da ez dela lehenengo aldia, ez. Iaz Juande Ramosi gertatu zitzaion, Kopako derbian. Eta aurtengoan, erasoaz gain, beste motatako arazoak izan dira. Bizkaiko kazetariak ditut gogoan. Izan ere, Athleticek bigarren (hirugarren) gola markatu zuenean eta kazetariek ohiukatu zutenean, kabinetara zuzendu ziren basati batzuk. Irteeran, kazetariak, euren lana egiten ari diren horiek, poliziak babestuta irten behar izan zuten zelaitik.

Sevilla eta Bestisen artean gertatu izan direnak ikusita, normala da pentsatzea Andaluziako hirian zer edo zer ez dabilela ondo.

Kalaka

Batzuetan, gutxietan, telebistak kalitatezko programak uzten dizkigu. Zaborrez infestaturiko guneak benetako debaterako lekua eskaintzen du, azkenaldian zabaldu diren face to face delakoetatik oso urrun (Zapatero eta Raxoiren artekoa daukat buruan).

Euskerazko kate bakarrak, eguaztenero, zenbait kalakari biltzen ditu plato batean. Saioaren alde onena da, again, oso helburu eta ideia desberdinetako pertsonak direla protagonista. Horrela, herri honek behar duen gauzetariko bat betetzen da, alegia, denon ahotsa entzun ahal izatea, askatasunean eta berdintasunean. Bestetik, saioa mamiaz beteta egon arren, entretenigarria egiten da. Ez dira diskurtso hutsalak esaten, ezta gutxiago ere, baina ez da aspergarriagoa egiten. Azkenik, eztabaidatzen diren gaiek gaurkotasuna dute. Gainera, irekitasunaz aukeratzen dira, ez baita monotemaz bakarrik berba egiten.

Poztekoa da ETB1en saio hau ikusi ahal izatea. Are gehiago, Xabier Euskitze bikainak aurkezten badu.

No comment

Hauteskundeak

Gauza asko egon dira komentatzeko azken bi aste hauetan, sistema parlamentarioa presidentzialista eta bipartidista bihurtzeko asmoak tarteko. Odola ere izan dugu. Baina hobe ezer gehiagorik ez esatea. Gaur da eguna.

La viñeta de la semana XX

ZALDIEROA, Berria, 2008/02/21

Iberia sumergida

Hauteskunde kanpainia hasi da! Ez duzue ezertxo ere nabarituko. Again, ofizialki ari direla sumatuko duzue, baina gauzak ez dira asko aldatuko, ez. Orain dela lau urte hasi baitzen kanpainia. Nekagarria da hauteskunde giro etengabean bizitzea, ezta?

Demokraziari beste zaplastako handia eman zaiola kontuan hartu gabe, Espainiak bipartidismorantz hartu duen bideak ere kezkatzen nau. Badirudi Canovasen garaiak kopiatu nahi dituztela. Edo agian Ameriketako Estatu Batuen demokrazia perfektua dute buruan. Ez dakit zein den txarragoa.

Eztabaiden inguruan antolatu duten zirkua negargarria izan da. Eskubide demokratiko bezala aurkezten dute telebistan bi alderditako hautagaiak eztabaidatzen agertzea. Izan ere, debate baino, mitina dirudi. Hautagai bakoitzak denbora zehatza izango du bere mezua botatzeko. Zapatero eta Raxoi, aldez aurretik prestatutako diskurtsoa, jadanik ezagutzen duguna, kameren aurrean irakurriko dute. Gehiagorik ez.

Eta ez da, ez, eskubide demokratikoa. Hauteskunde honetan beste motatako eskubide zibil eta politikoak bete beharko lituzke. Eta ez sasi-eskubide hau. Espainiako Diputatuen Kongresuan ordezkapena duten beste zortzi alderdiak eta kaolizioa espektakulutik kanpo geratzen baitira. We're all living in Amerika. Coca-Cola, sometimes war.